барзиёд ва босифати хуб иҷро намоянд. Шерали ҳам монандӣ Мафтун тарбияи мутахассисони маҳаллиро вазифаи худ меҳисобад. Дар бригадаи ӯ низ барои омода намудани нақбканони ҷавон таваҷҷуҳи махсус зоҳир карда мешавад.

Ҷобирбеку Шералӣ дӯстони ҷонии Мафтун мебошанд. Дар байни эшон ҳамдигарфаҳмии пурра ба назар мерасад. Онҳо ҳамеша Мафтунро сарвару устоди худ меҳисобанд ва аз ҳар комёбии ӯ хурсанд мешаванд. Масалан, ҳангоме ки Мафтун барои ихтироъкориву навоварӣ дар сохтмони Метрои Маскав бо фармони Президенти Федератсияи Россия бо медали «Барои шуҷоати меҳнатӣ» қадрдонӣ мешавад, эшон ин комёбии дӯсти худро ба ҳам мебинанд. Ҷобирбеку Шералӣ аз зумраи мутахассисоне ба ҳисоб мераванд, ки аз худ қонеъ нестанд ва ҳамеша барои تکмили маҳорати худ саъю кӯшиш менамоянд. Баъд аз он ки сохтмони нақби Анзоб ба ихтиёри ширкати «Собир-байналмилал»-и Ҷумҳурии Исломии Эрон мегузарад, эшон дар як муддати кӯтоҳ аз мутахассисони ин кишвари дӯст бо роҳи мустаҳкам кардани ҷинсҳои кӯҳӣ пешгириву бартараф кардани резишро омӯхта, идора кардани мошинолоти ҳозиразамонро аз худ менамоянд ва ба боварии намояндагони ширкати «Собир-байналмилал» сазовор мегарданд. Аз уҳдаи ташкили дурусти кор мебароянд. Натиҷаи ҳамин аст, ки масъулини ширкати «Собир-байналмилал» Шералӣро аз нав дар самти шимоли нақб сардори бригадаи нақбканон таъйин намуда, ба ихтиёри Ҷобирбек сарварии бригадаи бетонкорон дар қисмати ҷануби нақб вогузор мешавад. Фаъолияти нақбкании бригадаи Шералӣ мувофиқи матлаб вогузор мегардад. Аъзои он аз бригадае, ки ба он Мафтун роҳбарӣ мекард, қафо намемонданд ва дар мусобиқаҳо аз самти шимол ҳамеша ғолиб меомаданд. Бригадаи Ҷобирбек ҳам дар корҳои бетонпӯшу мустаҳкамкунии минтақаҳои резишӣ саҳми назаррас мегузошт. Намояндагони ширкати «Собир-байналмилал» низ аз фаъолияти Шералӣву Ҷобирбек