• Хара пеши бор овардам, бобо.
• Кадом бору чӣ харе?
• Бобои Нозим ба кулбатон гардиш накарда буд?
• Дер боз моҳи камнамост ӯ.
• Як гап занам, ҷангам намекунӣ?
• Шарми рӯйи ту дар мургфарӯши аввал паридааст. Хар чӣ бошад ё хар мефурӯшӣ ё ба нияти савдо бозор мебарим.

Хандаи хунуке ба лабони ғафсу сиёҳи даллол давид. Вай аз чебаки ҷиқаш носкадуи нақшину пӯпакдор бароварда, дар бехи гӯшаш як ларзонду пасон, ба сари зонуяш тап-тап зада, даҳонашро мазза дод ва лабонашро ғунча карда, аз шавки беҳудуд як миқдор болои кафаш рехт ва даҳонаш нимво, онро ба таки забонаш партофт. Рӯ овард, ку шиноси дерин чӣ мегӯяд? Носкадуро рӯи каф дошта, ба нақшу нигори давраш басерӣ нигаристу ба чебак андохташ. Қаноатпешаву ором шуд. Ҳаловати хушро дида, бобо ҳам нос пурсид:

• Бовар мекунӣ, Нозим ҷонама ба нӯки бинӣ овардааст.
• Барои чӣ?
• Хушу ёдаш ба хари ту рафтагӣ...
• Ҳаа, хари ман зӯр аст, охир.
• Дина аз бозор як хари хуб харид.
• Чӣ маро гаранг дорӣ?
• Ӯ хараша алиш кардани, бобо.
• О-о, рост мегӯӣ?

Бачаи навзанӣ ҳамсоя аз паси сафел нос пурсид. Бобои Шариф ба шӯхӣ гуфт:

• Сагпира, кафи даста кушо! Носи тез аст, ҳо, навзанӣ яке бехуд мешавӣ, - баланд гуфт аз паси ҷавони носталб.

Сайидбой Ҳошим хуморашро шикаста, оби даҳонашро нолоиқ донист ва дар ҷояш попарҳам шишт.

• Хари бобои Нозимам бад не.
• Таърифаш кардаанду надидамаш.
• Розӣ шав, ҳозираш мекунам.
• Ба болои хараш чӣ имтиёз медиҳад?
• Хубаш рафта соҳибашро биёрам.
• Ку як нарҳу навои дуруст гузор.
• Мардака лафзаш ҳалол. Ба болои хараш панҷ доллар изофа