ҶОРҶ БУШ
Президенти Иёлоти Муттаҳидаи Америка

Мардуми Америка аз саҳми Тоҷикистон дар ростои мубориза бо терроризм сипосгузоранд. Ман хушҳолам, ки равобит байни кишварҳоямон мустаҳкамтар гардид ва умедворам мо дар якҷоягӣ барои пешрафт, озодӣ ва амнияти тамоми минтақа талошҳои худро идома хоҳем дод.

Соли 2002

Иёлоти Муттаҳидаи Америка аз он ифтихор дорад, ки дар мубориза бо гардиши ғайриқонунии маводи мухаддир шарики қавии Ҳукумати Тоҷикистон мебошад. Мо аз дастгирии пайвастаи Шумо дар мубориза бо терроризм, истиқрори амният ва сулҳу субот дар Афғонистон ва дар маҷмӯъ дар минтақа, сипосгузорем.
Ман умедвори равобити жарфтар байни кишварҳоямон ҳастам ва ба мардуми Тоҷикистон ояндаи босубот ва демократиро орзумандам.

Сентябри соли 2006
ХУ ТСЗИНТАО
Раиси Ҷумҳурии Халқии Хитой

Солҳои охир таҳти роҳбарии Эмомалӣ Раҳмонов дар кишвар ризоияти миллӣ муваффақона ба даст омад, иқтисод бемайлон рушд меёбад, робитаҳои берунӣ рӯз ба рӯз ҷоннок мегарданд, тамоми соҳаҳои иҷтимоиву иқтисодии кишвар рӯ ба инкишоф мебошанд. Мо аз ин дастовардҳо аз таҳти дил хушҳол ҳастем.

Сентябри соли 2003

Кишвари Шумо таҳти роҳбарии оқилонаатон дар давоми 19 соли охир муттасил тараққӣ ёфта, проблемаҳои ҳаёти худро бомуваффақият ҳал карда, дар сохтмони давлатӣ ва эҳёи миллӣ комёбиҳои бузург ба даст овард. Айни ҳол вазъи сиёсии кишвари Шумо комилан босубот буда, иқтисодиёти он муттасил тараққӣ мекунад, шароити зиндагии мардум торафт беҳтар мегардад ва равобити берунии мамлакататон бештар вусъат меёбад.
Ҷумҳурии Халқии Хитой ҳамчун кишвари ҳамсоя ва дӯст аз дастовардҳои Шумо хурсанд буда, ба Ҳукумати Тоҷикистон ва халқи он муваффақиятҳои бузург орзу мекунад.

Сентябри соли 2010