ва тафовути тақдири Ҳаққ таъоло дар ҳаққи эшон. Ва ин аз илми макнун аст, ки дар китобҳо нанависанд. Ва бар танаббуҳи он ёрикунанда дар аввали кор, тааллум ва мушоҳадаи аҳволи уламои охират аст, чунон ки аломати эшон бихоҳад омад ва дар охири кор, муҷоҳадаву ризоят ва тасфияи дилу тафриғи¹ он аз алоиқи дунё ва ташаббух дар он ба анбиёю авлиё, то ҳар толиберо аз он рӯшан шавад ба андозаи рӯзӣ, на ба андозаи кӯшиш, валекин аз кӯшиш дар он чора нест, чи муҷоҳада калиди ҳидоят аст.

¹ Тафриғ – фориг сохтан.