тақрири илали мазҳаб ва тамҳиди усули фатовӣ аст. Ва анвои муҷодалат ва таснифот дар он мураттаб карданд ва то ин ғоят ҳам бар он мустамирранд. Ва намедонем, ки Ҳаққ таъоло чӣ тақдир кардааст дар рӯзгоре, ки пас аз мо хоҳад буд! Ин аст, ки боис буд бар рӯй овардани мардумон ба хилофиёт ва мунозара фаҳасб.

Ва агар нуфуси арбоби дунё ба хилофи имоме дигар аз аимма моил шавад ва илме дигар аз илмҳо, ҳароина мардумон бо эшон моил шаванд ва хомӯш ‌набошанд аз тааллул1 он ки машғулии мо бад-ин илм барои он аст, ки илми дин аст ва моро матлубе ҷуз тақарруби Ҳаққ таъоло нест.

1 Тааллул — баҳона кардан, иллат ангехтан.