Ва дар ривоят омадааст, ки аз Пайғомбар - алайҳи-с-салом - пурсиданд, ки кадом кор фозилтар? Фармуд: «Иҷтинобу-л-маҳорими ва ло язолу фука ратбан бизикри-л-Лоҳи». Ай, аз маҳорим эҳтироз намудан ва ба зикри Худой ратбуллисон будан. Гуфтанд: «Кадом кас аз ёрон беҳтар?» Фармуд: «Соҳибун ин закарта аъонака ва ин насийта заккарака». Ай, ёре, ки дар ҳоли зикр туро ёрӣ кунад ва дар ҳоли фаромӯшӣ ёд диҳад. Гуфтанд: «Кадом кас аз ёрон [ба-тар?]». Фармуд: «Соҳибун ин [насийта] лам юзаккирка ва ин закарта лам юъинка». Ай, ёре, ки агар фаромӯш кунӣ, туро ёд надиҳад ва агар зикр гӯйӣ, ёрӣ накунад. Гуфтанд: «Кадом кас олимтар?». Фармуд: «Ашаддуҳуму-л-Лоҳи хашятан». Ай, он ки аз Худой тарсандатар. [Гуфтанд]: «Моро аз беҳинагони мо огоҳ кун, то ҳамнишинони эшон бошем». Фармуд: «Ал-лазина изо руъу зукира-л-Лоҳу таъоло». Ай, он касон, ки чун дида шаванд аз Худой ёд ояд. Гуфтанд: «Кадом кас аз мардумон батар?». Ҷавоб нафармуд ва гуфт: «Аллоҳумма ғафран». Ай, бор Худой биёмурз! Бори дигар пурсиданд, фармуд: «Ал-уламоу изо фасаду». Ай, олимон чун табоҳкор бошанд. [131]

Ва Пайғомбар - алайҳи-с-салом - гуфт: «Инна аксара-н-носи амонан явма-л-қиёмати аксаруҳум фикран фи-д-дунё ва аксара-н-носи зиҳкан фи-л-охирати аксаруҳум букоан фи-д-дунё ва ашадда-н-носи фараҳан фи-л-охирати ат-валуҳум ҳузнан фи-д-дунё». Ай, касе, ки андеша ва гиряи ӯ дар дунё бештар бошад ва андӯҳи ӯ дарозтар, амн ва хандаи ӯ рӯзи қиёмат бештар бошад ва шодии ӯ қавитар.

Ва Алӣ гуфт - разия-л-Лоҳу анҳу - дар хутбае: «Зиммати раҳинатун ва ано заъимун ло яхиҷу ала-т-тақво заръу қавмин ва ло язмау ала-л-худо синҳу аслин ва инна аҷҳала-н-носи ман ло яърифу қадраҳу ва инна абгаза-л-халқи ила-л-Лоҳи таъоло раҷулун қамаша илман ағора биҳи фи ағбоши-л-фитнати саммоҳу ашбоҳу-н-носи ва арозилуҳум олиман ва