«Хирси кӯҳро бо хатиби масҷиди калон муқоиса хато ва бӯзинаро бо рӯдзани маҷлиси бузургон нораво».

САНЪАТИ ТАҒИИР

Шоир ғазали барҷаста ва маъруфи шоиреро ба тариқи за-рофат ва шӯхӣ тасарруф мекунад, яъне баъзе калима, тар-киб, ибораи байтҳоро дар ҳамон вазну қофия ва радиф чунон тағйир медиҳад, ки дар натиҷа мазмун ва мақсад низ ба ран-ги дигар медарояд.

Абдулқодирхоҷаи Савдо баъзе ғазалҳои Абдулқодири Бе-дилро моҳирона тағйир ва тасарруф кардааст.

Аз Бедил:

Ба авҷи кибриё к-аз паҳлуи аҷз аст, роҳ он ҷо, Сари мӯе гар ин ҷо ҳам шавӣ, бишкан кулоҳ он ҷо.

Аз Савдо:

Ба авҷи бепулӣ, к-аз паҳлуи ҳарҷ аст роҳ он ҷо, Сари мӯ ҳарҷ афзунтар кунӣ бишкан кулоҳ он ҷо.

Аз Бедил:

Адабгоҳи муҳаббат нозу шӯхӣ барнамедорад, Чу шабнам сар ба меҳри ашк меболад нигоҳ он ҷо.

Аз Савдо:

Адабгоҳи ҳасосат ҳарҷи беҷо барнамедорад, Чу ҳамён сар ба мӯҳри танга меболад нигоҳ он ҷо.

Аз Бедил:

Зи тарзи машраби ушшоқ сайри бенавой кун,
Шикасти ранги кас обе надорад зери коҳ он ҷо.

Аз Савдо:

Зи тарзи машраби имсок сайри бенавой кун, Ки бебокона натвон ҳарҷ кардан парри коҳ он ҷо.

Аз Бедил:

Замингирам ба афсуни дили бемуддао, Бедил, Дар он водӣ, ки манзил низ меафтад ба роҳ он ҷо.

Аз Савдо:

Кунам карзе ба афсуни дили бемуддао, Бепул, Аз он мумсик, ки гар мумкир шавӣ, набвад гуноҳ он ҷо.

1 Бепул — тахаллуси дигари Савдост.