Вақт, аммо, дар ту ҳамчун орд андар хамбаҳост
Ишқи моро ҷуз танўре аз гили Темука нест
Он туӣ, ту, кулчаи танҳову оташ ҷони мост.

---

Хоб кун дар хоби ман, ки баъди имрўз аз манӣ
Мон, ки хусбад ҳамраҳи ту ишқу ранҷу дарду ғам.
Мон, ки чархи розхўро шаб бигардонад хамўш
То ту хобӣ дар барам чун рўз равшан синаам.

Ҳеҷ кас дар хоби ман акнун чу рўъё нагзарад
Бо суботи мост ҳампо ҷўши дарёи ҳаёт.
Аз дили зулмот бо ман кист ҳамраҳ бигзарад
Ин туӣ меҳру маҳи чархи гаронпои ҳаёт.

Боли кафҳои сафеду сода бикшоӣ хамўш
То чу парда пеши чашми хеш дорӣ ноён
Пас чунон дар хоб ширин бо ман омезӣ, ки ман

Ғарқи обе мешавам, ки мебарад мову туро
Шому боду ин ҷаҳон тақдирпечонӣ кунанд
Бе ту танҳо нестам, чун хоб мебинӣ маро.

---

Дар кўчаи танг мехазад ҷуд зи баҳр
Чун ҳаври даҳони барзагав дар сармо,
Бингар, ки забони ваъдабози маҳтоб
Афтода ба чанги мавҷҳои дарё.

Мизону шаҷар чу хонаи занбўр аст
Бод аст сари парчами деҳ чангафшон.
Хонанд занон ба гўши дарё хушбош
Аспон бикашанд шиҳа сўи Патагон.