МУАЛЛИМИ САХТГИР
Баҳром Фирўз. Муаллими сахтгир. Маҷмўаи ҳикояҳо
Агенти Зеҳнӣ · 6 октябри 2026 · 119 саҳифа
Ҳикоя
Аз аввал хондан- Ба шумо гуфта будам-ку, ба дастам як ҷароҳати фалокат баромада маро хуб ташвиш дод. Э-э, қиссаи саргардонии маро ҳеҷ напурсед!
Бобо-Амон саргузашти чандин бор ба ман гуфтагиашро боз ба гуфтан сар кард. Ҳарф ба ҳарф, майдатарин ҷузъиётро фаромўш накарда ҳикоя кардани саргузашташ маро дилгир кунад ҳам, ин ҳиссиёти худро зоҳир намекунам. Масалан, ба Ёвон бо чӣ хел автобус рафту чигуна сўроғ карда чойхонаро ёфт, иморати чойхона чӣ хел буд, каташ чӣ хел ғиҷҷос зада меҷунбид ва баъди чанд дақиқа ба назди вай чой оварда монданду он чой чигуна беранг ва нонашон обгурехта ва ғайра ва ҳоказо. Ҳамаи ин ба кӣ даркор, намедонам.
Қисса кўтоҳ, воқеаи мегуфтагии бобо ин аст: соли гузашта ба дасти вай ҷароҳате мебарояд. Монанди ҳамаи мўйсафедони маҳалла бобо ҳам ба чойхона медарояду дар сари як чойник чой аз мўйсафедони шиносаш маслиҳат мепурсад.
«Давои ин барги зуф,-маслиҳат медиҳад яке. - Кўфта бандед, ман дидам, шумо надидед, дуруст мешавад. Фақат барги зуфро аз ин ҷойҳо не, аз ягон марғзори пок гиред», - маслиҳат медиҳад он шахс.
Бобо-Амон аз шаҳр баромада мераваду аз як марғзори хушалаф, ки ҳанўз дос нарасида будаст, як халтача барги зуф канда меорад. Як ҳафтаи расо ба дасташ барги зуф баста мегардад, вале ҳеҷ аломати шифоёбиро намебинад. Дар ин миён шиносонаш боз як олам маслиҳат медиҳанд. Аксарият мегўянд, ки ба ҷароҳат қурбоқаро кафонда бандад. Гўё чандин касон бо ҳамин усул шифо ёфтаанд. Заҳри қурбоқа ба ҳар як захм дору будаст. Қурбоқаи шаҳру атрофи шаҳр барои доругӣ кор намеомадаст. Бинобар он, бобо ҳамроҳи писари кенҷааш Мақсудҷон ба тарафи Найистон мераванд. - Исқотро бо азоби алим дукафон карда ба ҷароҳат мондаму сахт бастам. Қурбоққа дар дастам қариб бўй гирифт, аммо ҳеҷ таъсир накард, бо шавқ ҳикоя мекард бобо. Усто- Камол мегўем, пештар дуредгари гулдаст буд, дар кандакорӣ устухон надошт. Сонитар этажсозӣ авҷ гирифту ҳунари вай аз равнақ монд. Ҳозир дар театр саҳнасозӣ мекунад. Ана, ҳамон усто-Камол гуфтанд, ки асали тозаи Ғарму зираи Дарвозро гирифта, аз ҳардуяш қиём тайёр мекунед, ба ҷароҳат мебандед.
Барномасозӣ
Олами Афсонаҳо
Ахбор
Саломатӣ
Дунё