---

Аз санг шаву аз санг амон мапурс,
Аз захми тир нола кун, раҳм аз камон мапурс.

Роҳи талош бигзину ҳиммат баланд дор,
Зинҳор дасти ёварӣ аз нокасон мапурс.

Дар об ғарка гарду даме дасту по бизан,
Аз бутта лутфу, марҳамат аз осмон мапурс.

Шафқатталаб чӣ лоиқи ин гирудор шуд?
Аз фили дар қафас раҳи Ҳндустон мапурс.

То метавонӣ миннати болин макаш, ҷавон,
Дастат ба cap гузору зи кас ину он мапурс.

---

Ман шеваи мунофиқон бас озмудаам,

Гаҳ бо ту як мавиз ду тақсим мекунанд.

Пеши ту лоф мезананд аз сидқу дӯстӣ,

Сар хам гаҳ аз ниёз, гаҳ аз бим мекунанд.

Гоҳо ба пеши пои ту хам гашта лаҳзае

Сар гӯиё ба ҳурмат таслим мекунанд.

Бовар макун тамаллуқи ночори нокасон,

Бар кӯҳ то баромадан таъзим мекунанд.