ҳар ҳолате набошад, чӯҷа барорад, лонаашро партофта нарафтааст, лекин аз сардии ҳаво дар ҷояш шах шуда мурдааст.

Ман ба лона даст дароз карда, фохта-очаро гирифтам. Ҷисми ӯ ҳанӯз гарм буд. Ин воқеа Гулнораро ғамгин кард. Ӯ бо оҳанги ҷиддӣ гаштаю баргашта аз ман мепурсид:

• Акнун тухмҳо чӣ мешаванд? Чӣ шудан ё нашудани тухмҳоро худи ман ҳам намедонистам, бинобар он ба Гулнора ҷавобе надода, фохтаи беҷонро аз лона гирифта, ба рӯи навдае гузоштам.

• Акнун фохта-ота танҳо монд? - пурсид Гулнора.

• Ҳа, танҳо монд, - ҷавоб додам, - дигар бо ҳеҷ кас ҳамсар намешавад...

Дар мавридҳое ки фохтае мемирад, фохтаи дигар яъне ҳамсараш тамоми умр танҳо ҳаёт ба сар мебарад. Аммо аз ёрӣ додан ба ҳамҷинсонаш даст намекашад: дар лонасозӣ ва паррончак кардани бачаҳои онҳо мадад мерасонад. Ман инро ба Гулнора бо суханони зерин фаҳмондам:

• Ҳа, фохта-ота дигар оча намегирад, худаш танҳо умр мегузаронад...

Гулнора боз саволе доданӣ шуд, лекин дар ин дам фохта-отаро дида, хомӯш монд. Фохтаи аламзадаю мискин ба рӯи тухмҳо, ба лона худаш нишаст. Дере нагузашта фохтаҳои дигар, ки эҳтимол аз мусибати ӯ аллакай огоҳӣ ёфтаанд, ба вай обу дон оварда додан гирифтанд.

• Ота, бинед, - гуфт Гулнора лонаро нишон дода, - фохта-ота...

• Ҳа, акнун фохта-ота ба ҷои фохта-оча нишаста худаш чӯҷа мебарорад.

Баргҳои зарифи кабуд, ки дирӯз аз пумбакҳо зада баромада буданд, ҳоло калонтар шуда, панҷаҳои тару тозаи навдаҳоро оро дода, дар зери шуоъҳои