нави рӯзгори бузургони мақом дар асоси таҷрибаву малакаи бистсолаи банда истифода ва мавриди таҳлил қарор гирифтанд. Аз ин боис, дар китоб, гар тағйире ва иловае ва ё ҷурме ва хатое бошад аз ман аст, на аз каси дигар. Бо вуҷуди ин итминони комил дорам, таҳриру бознависии банда барои хонанда писанд омада, чопи он, на танҳо рӯҳи мақомхону мақомнавозони беҳамтои қадимро, балки рӯҳи устоди мо Отахони Латифиро ҳам шоду мамнун гардонида метавонад...

Ба ин умед ба ин китоб нуқтаи итмом мегузорам, ки онро дар тӯли якуним соли ахир аз таҳрири нав гузаронидаам, яқинтараш яке аз қиссаҳои онро таҳлил кардаам ва ба қазовати шумо, хонандагони арҷманду нуктасанҷ ҳавола намудаам...

Абдурофеъ РАБИЗОДА