муҳим; андешаҳо оид ба тарҷумаи русии «Одина»; ду таҳрири як симои таърихӣ; таърихи матни қиссаи «Марги судхӯр»; куллиёти ашъори Айнӣ ва такмили минбаъдаи он; се таҳрири достони «Парии бахт»; аз таърихи эҷоди достони «Ҳасани аробкаш»; аз таърихи эҷоди романи «Шӯроб»-и Раҳим Ҷалил; таърихи эҷоди достони «Сурӯши Сталинград»; ду таҳрири повести «Камони Рустам»-С.Турсун. Махсусан, баррасии амалии тарҷумаи русии повести “Одина”, таҳриру таърихи эҷоди осори бадеии адибони муосир бо мисолҳои фаровон ба донишҷӯён кумак менамояд, ки роҷеъ ба таҳлили матншиносии асарҳои бадеӣ маълумоти кофӣ пайдо намоянд ва худ ба омӯзиши мустақилонаи осори адибони ҳамзамон машғул шаванд.

Дар поёни китоб муаллиф намунаи саволномаҳои тестиро бо ҷавобҳо пешниҳод намудааст, ки роҳнамои хубе ҳам барои донишҷӯ ва ҳам устодон мебошад.

Аз мутолиа ва баррасии китоби дарсии “Матншиносӣ” бармеояд, ки муаллиф ба ҳадафи муҳими худ — иршоду роҳнамоии донишҷӯён дар омӯзиши фанни матншиносӣ расидааст ва онро бояд аз беҳтарин китобҳои дарсӣ дар солҳои охир ба ҳисоб овард. Ин китоб барои дар сатҳи баланд омӯзонидани фанни матншиносӣ мусоидат намуда, роҳнамои беҳтарин барои мутахассисони соҳа мебошад. Шеваи нигариши китоб дастуруламали хубе барои муаллифони китобҳои дарсӣ ва муаллифони кутуби таълимӣ бояд аз он ибрат бигиранд.

Ҳамин тавр, аз нигоҳе гузаро ба фаъолияти матншиносии профессор Аламхон Кӯҷарзода, кӯшиши эшон дар амри ба роҳ мондани таълими матншиносӣ ба сифати фанни ҷудогона дар низоми таълими донишгоҳӣ ва таълифи китоби дарсии ҷомеъ аз фанни матншиносӣ бармеояд, ки донишманди варзидаю бениҳоят хоксор ҳусни таҳқиқ ва таълимро бо камоли зебоӣ ба ҳам овардааст.

То бод чунин бодо!