Вале онҳо ҳанӯз қоматашонро рост накарда буданд, ки як мӯсафеди лоғари бериш дастонаш паси пушт ва лабонаш моили табассум, гӯё онҳоро барвақт мешинохта бошад, расида омад:
— Ассалому алайкум, ҳамдеҳагон! Дуруст охир; ба шумо ин «бебор» боз бо чунин пистон, чӣ лозим?! Мехоҳед, ин ҷо ман барои шумо гове меёбам, ки... ҳарчанд тиллоӣ набошад, аммо шир дорад: пушаймон намешавед!... Ялқоп ягон аблаҳ набуд: худаш ҳам доимо пӯсту мол мехарид ва он мард аз гапи гуфтааш пушаймон шуд.

— Эҳ — ҳей, мӯҳтарам... Бисёр баланд гирифтӣ! Ту аз куҷо медонӣ ки мо гови дигар мехоҳем ё не?
— Медонам, бародар ин ҷо шумо танҳо бори аввал нестед... Ӯ ҳамоно дастонашро ба паси пушт карда даври гов мегашт ва «молро» интихоб мекард. Баъд гашту дасташро ба пистони гов расонд. Чанд катра шир ба кафаш дӯшиду бо кадом мақсаде бӯй кашид.— Бале, шираш фаровон набудааст. Хайр, чӣ, савдо мекунем? Ана бародар ман севу ҳаштсад медиҳам, зеро гуфта наметавонам, ки гов тарбия дидааст...
— Ту моро кӣ гумон мекунӣ? — мағрурона гуфт Ялқоп.— Мо ҳанӯз дохили бозор нашудаему ту бошӣ... шайтонро дарс медиҳӣ!

— Э-э ошно, ман он ҷо... ман баҳри ҳама «бебор»-ҳоро аз ёд медонам — гуфт мӯсафед ва қариб буд, ки меранҷид. — Тайёрам, агар гови туро қиматтар гиранд, хилъатамро ба ҳама он чӣ, ки дар ҷайбаш дорам, пешат гузорам,... Рафтем, мебинем!
Ялқоп кулоҳашро пеш гузошт у ба баҳс даромад. Пӯлод ба беаҳамиятии падарандараш, ки одат карда буд, медид чигуна озодаву шод, аз ҳаво нагирифта, ба ӯ ҷавоб медод. Ба ҳамин минвол харидор дандону шикам ва пистони говро даст зад. Пӯлод ба харидори равуокунанда, ки рафтораш кирдори занонро мемонд, нигоҳе карду дид, ки саропо ҳама мӯҳраву гарданбандҳо ва дигар ороишоти нуқрагӣ бо сангҳои сурху зарду сиёҳи ҷилодор ороиш медоданд... Ва ҳангоме ки ӯ нигарист, падарандараш кайҳо норозӣна бо дили гирифта қоғазҳои афсурдаеро ҳисоб мекард ва мӯйсафеди бериш хурсандона гуфт:
— Афсӯс... Гови хуберо ман ба шумо пешкаш мекардам, худо шоҳид буд.
— Аҷиб-ку? Шумо савдогарон ҳам худо доред?