Лекин, тавре ки мо медонем, дар кулли давлатҳои мутараққӣ, қурби асъори миллии онҳо устувор набуда, дар бештари ҳолатҳо аз худи ин давлатҳо низ вобастагӣ надорад. Бинобар ин чунин ҳолатро роҳбарияти ҳар як мамлакати сармояҷалбкунанда ба назар гирифта, барои ҳавасманд намудани сармоягузорони хориҷӣ системаи ревалватсияро (муқаррар намудани қурби нави расмии тасдиқи асъори миллӣ) истифода мебарад. Яъне, дар ин ҳолат давлати сармояи хориҷӣ ҷалбкунанда бояд кафолат диҳад, ки пастшавии қурби асъори миллӣ ба шарту шароити созишномаи имзошуда таъсир намерасонад.

Дар ин ҳолат сармоягузорон дар сурати баланд шудани қурби асъори миллӣ ба гирифтани фоидаи нисбатан зиёд бештар ҳавасманд мешаванд.

Эътибор надодани роҳбарияти давлатҳо ба ин масъалаҳои назарногир, вале муҳим боиси дар муддати кӯтоҳ аз мамлакат хориҷ шудани сармояи зиёди хориҷӣ мегардад. Ин ҳолат, баъди оғози бӯҳрони иқтисодии давлатҳои Америкаи Лотинӣ дар Бразилия ва Аргентина мушоҳида шуда буд.

Аз ин рӯ, барои пеш бурдани сиёсати иқтисодии хориҷӣ, бояд қабл аз ба роҳ мондани тиҷорат бо кишварҳои дигар, ба мамлакат асъори хориҷӣ ворид карда шавад. Дар ин ҳолат қурби асъори миллии мамлакат мӯътадил нигоҳ дошта мешавад.

Соли 1988 мамлакатҳои аъзои созмони МЕРКОСУР ба муваффақиятҳои бузург ноил шуда, ҳаҷми содироти онҳо нисбат ба ҳаҷми воридот хеле афзуд. Аммо бо вуҷуди ба мамлакат ворид