хоҳиши худ ба аъзогии Шӯрои Ҳамкории Иқтисодӣ қабул карда шуд.

Хатари аз нав сар задани ҷанг давлатҳои аъзои Шӯрои Ҳамкории Иқтисодиро маҷбур сохт, ки ҳамкориро дар соҳаи ҳарбӣ низ вусъат диҳанд. Бо имзошавии "Созишномаи Варшава", ки моҳи марти соли 1969 ба вуқӯъ пайваст, кулли давлатҳои аъзои Шӯрои Ҳамкории Иқтисодӣ қувваҳои муттаҳидаи ҳарбии худро бунёд намуданд. Бо кӯмаки илмию техникии Иттиҳоди Шӯравӣ давлатҳои бародари Европа дар мӯҳлатҳои кӯтоҳтарин ба истеҳсоли ҳавопаймоҳо, чархболҳо, танку киштиҳои ҳарбии дараҷаи гуногун, киштиҳои зериобӣ, таҷҳизот барои иқдори ҳарбии зиддиҳавоӣ, яроқу аслиҳа шурӯъ намуданд. Аз тарафи дигар, қувваҳои ҳарбии давлатҳои аъзои Шӯрои Ҳамкории Иқтисодӣ бо қудрату тавоноии ракетаҳои ядроии ИҶШС дастгирӣ меёфтанд.

Иттиҳоди Шӯравӣ давлатҳои аъзои Шӯрои Ҳамкории Иқтисодиро дар соҳаҳои гуногуни хоҷагии халқ низ дастгирӣ мекард. Мувофиқи созишномаи байни ИҶШС ва Шӯрои Ҳамкории Иқтисодӣ Иттиҳоди Шӯравӣ дар муддати панҷ сол дар қаламрави кулли давлатҳои сотсиалистӣ 1600 корхонаи саноатӣ ва коркарди маҳсулоти кишоварзиро сохта ба истифода дод.

Дар асоси ҳамкориҳои муфид Иттиҳоди Шӯравӣ зиёда аз 70% талаботи давлатҳои бародарии сотсиалистиро бо сӯзишворӣ, нафт ва ашёи хом таъмин намуда, ба ивази он молҳои лозимаро ба кишвар ворид мекард. Солҳои 1966-1971 аз давлатҳои аъзои Шӯрои Ҳамкории Иқтисодӣ ба Иттиҳоди Шӯравӣ таҷҳизоти 54 корхонаи кимиёвӣ, 38%-и киштиҳои баҳрии боркаш фиристонда шуданд. Давлатҳои аъзои Шӯрои Ҳамкории Иқтисодӣ бо сабаби ба нафту газ талаботи зиёд доштанашон бо Иттиҳоди Шӯравӣ барои зиёд намудани истеҳсоли сӯзишворӣ, пурқудраткунии корхонаҳои истеҳсоли оҳан, маводи кимиёвӣ (нуриҳои минералӣ), селлюлоза (коғаз) маблағгузории зиёд мекарданд.

Барои танзими савдои байнидавлатӣ аввалҳои соли 1957 Комиссияи Шӯрои Ҳамкории Иқтисодӣ оид ба масъалаҳои савдои хориҷӣ бунёд карда шуд, ки дар сохтори он намояндагони тамоми