Чанд соле шуд ҳукуматрони мулки Ховалинг,
Дар ҳама маҳфил ба некӣ номи ӯ шоён набуд.
Пешрӯ ҳар ҷо ба марди пир мешуд рӯ ба рӯ,
Майли ӯ баҳри салому чеҳрааш хандон набуд.
Раҳми дар дил бар сағирону ба ҳар бечорае
Бо ду чашми хеш медидам аз ӯ чандон набуд.
Хонаи халқе агар ки ногаҳон дармегирифт,
Ҳеҷ парвояш набуду бесару сомон набуд.
Душмани тирхӯрдагону лоғарони ҷанг буд,
Заррае раҳмаш ба ҳар як пири бедармон набуд.
На китобе хонда на мешишт бо аҳли адаб,
Дур доим аз бари ҳар дузду ҳар шайтон набуд.
Фукчухте беадаб Қурбоналӣ мислаш надид,
Хуб шуд бекор шуд, бонангу бовиҷдон набуд.

МИННАТДОРИИ КӮДАК БА ПЕШИ МОДАР

Модарҷонам, медонам,
Маро чиҳо омӯхтӣ,
Бо дили пурорзу
Тай-тай по-по омӯхтӣ.

Гаҳе ту бар забонам
Номи бобо омӯхтӣ,
Гаҳе номи амаку
Номи тағо омӯхтӣ.

Боз маро панди хуб
Номи Худо омӯхтӣ.
Аз нури зоти покаш,
Аз Мустафо омӯхтӣ.

Маро, эй очаҷонам,
Савту наво омӯхтӣ.
Дар пеши чандин устод
Дар ҳар куҷо омӯхтӣ.

Роҳи ахлоқу адаб,
Хайру сахо омӯхтӣ.