Бар касбу корҳояш
Ҳар сон нишонаҳо буд,
Омӯхта зи устод
Гулмон ба хонаҳо буд.

Гулҳо ниҳода зебо
Ба хонаву дараш буд,
Фотимамоҳ ӯро
Мӯнису ҳамсараш буд.

Ҳақиқӣ дар ҷавонӣ
Зеботарин зане буд,
Мисли гули базебе
Дар байни гулшане буд.

Усто ширин чу тӯтӣ
Буд гапи даҳонаш,
Ӯро ба Фотима буд
Пайваста дилу ҷонаш.

Дареғо, сад дареғо,
Шароби марг нӯшид.
Усто ба қудрати Ҳақ
Абадӣ чашм пӯшид.

Як-ду писар аз онҳо
Ҳам ному ҳам нишон аст,
Пайрав ба касби усто
Баччааш Бобоҷон аст.

Касбу ҳунар ки дорад,
Парвои зар надорад.
Чун Бобоҷон дигар кас
Касби падар надорад.

АЗОБҲОИ БАЧЧАГӢ

Ҷавон будам, надонистам
Каме қадри ҷавониро,
Ба дасти хеш бишкастам
Ғурури паҳлавониро.
Камон дар гарданам буду
Ҳамеша дар шикор будам,
Ба ҷустуҷӯи оҳуву
Кабки кӯҳсор будам.

Шабон дар козае, ки буд
Чу гӯри танг, хобидам.
Ба фасли тирамоҳон буд,
Ба рӯи санг хобидам.

Маро аз хӯрданӣ баҳри
Хӯрока иштиёқе буд,
Давоми ҳафтаҳо аммо
Хӯрокам нони қоқе буд.

Зимистон барфборону
Дарахтон зери сармо буд,
Ба мисли санг ях баста
Зи сармо оби дарё буд.

Дар он гуна хунукиҳо
Шикори беш мекардам,
Шикори гургу рӯбоҳу
Шикори меш мекардам.

Гаҳе дар Қаратоғ будам,
Гаҳе дар Сарсарак будам.
Зи ҳоли хонаву ҳавлӣ
Ҳамеша бедарак будам.

Кунун донистаам, ки ман
Чӣ гуна кор мекардам.
Ҷавониро зада зарба,
Худамро хор мекардам.

Дигар ин ки замонҳое,
Ки ман шикор мекардам,
Фузун ҷондорро беҷон
Гунаҳ бисёр мекардам.