Муаллим бо мақсади бештар наздик шудан ба асли воқеа бо методи саволу ҷавоб муайян кардани воситаҳои тасвири бадеиро ба миён мегузорад.

1. Чаро мир ба моҳу савр ва Бухоро ба осмону бустон монанд шудааст?
2. Аз чӣ сабаб таассуроти Наср баъд аз хоҳиши оҳангноки шеър дигаргун гашт ва якбора сўи Бухоро шитоб намуд?
3. Мақсади нависанда дар ҳикояи мазкур аз чӣ иборат аст?
   Гузориши мушкилот ва мубоҳисаи мазкур муаллимро водор месозад, ки бо сухани ҷамъбастӣ ҳалли онро пурра нишон диҳад. Вай тамоми фикру ақидаҳои баёншударо шарҳу эзоҳ дода, чунин мегўянд:
   Ҷўи Мўлиён мавзеи зебо ва тамошгоҳе буд, ки боғу бустон, гулгашт, сайронгоҳ ва манзараҳои дилрабое дошт. Аҳмад Исмоили Сомонӣ ва писари ў-Наср Аҳмади Сомонӣ онро обод гардонида, ба базмгоҳи шеъру суруд табдил дода буданд. Ибораи « бўи ҷўи Мулиён » бошад, таровати сайронгоҳи дилнишин ва бўи Бухоро - меҳри ватан буда, ташвиқи сўи ватану халқи азизашро дар бар мегирад. Таркиби « бўи ҷўи » ифодакунандаи мафҳумҳои маъмули боди сабо, боди форам ва насими ҷўй мебошад. Ин таҷассуми ҳиссиёти ватандўстонаи шоир ва меҳри бепоёни ў ба халқу ватан дар ҳикояҳои мазкур пурра инъикос ёфтааст, ки сарчашмаи асосии тасвири он афкори ибратомўзи худи шоир мебошад. Ҳамчунин, ифодакунандаи исми хос акс наёфтани мавзеи «Ҷўи Мулиён» дар китоб иштибоҳ шудааст, чунки то солҳои наздик ҳанўз аз назари илмӣ мавзеи таърихӣ будани он исбот нашуда буд.
   Дар охир ба хонандагон супориш дода мешавад, ки доир ба ҳикояи мазкур дар хона иншо нависанд.
   Ҳамчунин, зикр кардан бамаврид аст, ки пас аз дарси мазкур ба мақсади пурратар дарк намудани мавзўъ ба нақшаи таълим як соат барои хониши берун аз синф мусоҳиба вобаста ба повести « Қисмати шоир »-и С. Улуғзода ҷудо намоем.
   Барои муаллим дар баробари омўзиши маводи китоби дарсӣ.
   Ҳамчунин, аз худ намудани маводҳои назариявӣ, аз қабили мақолаҳои илмии адабиётшиносон А.