Он кӣ ба покӣ ҳаракат несташ,
Ҳар чӣ дарорад, баракат несташ.

---

Бо кеҳу меҳ сӯҳбат аз он сон гузин,
К - аз ту хирадманд бувад ҳамнишин.

---

Рӯи накӯ роҳати наззорагист,
Бар дили ошиқ ғаму оворагист.
Симбароне, ки ту бинӣ чу моҳ,
Ақраби ҷонанд зи зулфи сиёҳ.
Тураашон дузди вилоятзан аст,
Наргисашон оҳуи шерафакан аст.

Амир Хусрави Деҳлавӣ ба аслу насаби пок эътибор дода, қайд кардааст, ки на ҳамаи насли бузург азизу мукарраманд, чунки ҳеҷ кас аз сарнавишту тақдир дур нест:

Мардуми боасл чу дарё бувад,
Мардуми беасл чу хоро бувад.

---

Нест ҳама насли каримон азиз,
Тухми хиёр аст басе талх низ.
Зишт бувад сифла ба ҷои баланд,
«Косаи холию садои баланд».

---

Як халаф ар дар насабе сар кашад,
Бар сари сад ҳеҷ кас афсар кашад.

---

Зода, ки ӯ соҳиби пешонӣ аст,
Дар ҳама ҷо иззаташ арзонӣ аст.

---

Ҳар кӣ дар ӯ сирати некӣ бувад,
Одамӣ аз одамиён ӯ бувад.
Аз тани бад сирати зебо назод,
Аз малакулмавт Масеҳо назод.