❖ Ҳар ҷо марав, то ранҷ нагардӣ;
❖ Инсофи халқ бидеҳ, то ситамгор нашавӣ;
❖ Бедор бош, то дузди хона дар наояд;
❖ Сар бар хати фармон неҳ, агар бандаӣ;
❖ Дӯстӣ он беҳ, ки барои Худо бувад;
❖ Дар дарё фӯру рав, то гавҳар ёбӣ;
❖ Худписанд мабош, то писандида гардӣ;
❖ Худро гум кун, то биҷӯяндат;
❖ Ба ҳақ паноҳ гир, то халос ёбӣ;
❖ Вақтро шинос агар саррофӣ;
❖ Нафсро пос дор, то ба ҷо бирасӣ;
❖ Тамаъ аз халқ бардор, то мӯҳтоҷ нагардӣ;
❖ Қадри худро бишнос, то ба қадр гардӣ;
❖ Кор бо андеша кун, то зиён накунӣ;
❖ Як ҳиммат кун, то ҷамъият ёбӣ;
❖ Дастро гадой мадор, агар ганҷҳо дорӣ;
❖ Ранҷи бодия кун, то ба каъба расӣ;
❖ Рози худ ба кас магӯй, то ганҷи асрор ёбӣ;
❖ Бе роҳбар марав, агар ҳушёрӣ;
❖ Хомӯш бош, то бираҳӣ;
❖ Сӯҳбат бо некон кун, агар кори нек мехоҳӣ;
❖ Кори худро пинҳон дор, то қиммат гирад;
❖ Бо ҳеҷ чиз қарор магир, агар муҳаббат дорӣ;
❖ Дил бар ҷой ор, то ба ҷое бирасӣ;
❖ Бо гадоён нишин, агар султонӣ;
❖ Камозор бош, агар Сулаймонӣ.......