Асарҳои мунтахаб ҷилди 9
- Ба хотири каме маълумот ба даст овардан бо нафаре, ки худаш наздам ҳозир шуда буд, суҳбатро давом дода пурсидам: -Дар инҷо навишта нашудааст, ки соҳибони ин аксҳо ҳама ҷоизадоранд.
-Вале дар боло бо ҳарфҳои хоно навишта шудааст:
“Ситораҳои варзиш”.
-Яъне, танҳо акси нафари ба ҷоиза сазовор шуда метавонад дар ин тахтаи фахрӣ ҷой гирад?
-Дигар хел шуданаш ҳам мумкин нест.
-Охир чунин ситораҳо дар ҳар корхонаю муассиса ҳастанд.
-Корхонаю муассисаҳо метавонанд дигар намуди дастаҳои варзиши хешро дошта бошанд, ба ҷуз варзиши парашютӣ ва пойгоҳи ҳамаи онҳое, ки ба ин навъи варзиш дилбастагӣ доранд, ҳамин ҷост.
-Акнун фаҳмидам.
-Хайрият.
-Дар корҳои ҷустуҷӯӣ ба хотири дарёфти ҳақиқат гоҳо аз худ гулӯ гумроҳ тарошидан низ аз манфиат холӣ нест ва ба хотири давом додани муколама бо ҳамсуҳбати аввалинам гуфтам:
-Аслан ман донистан мехостам, ки чӣ тавр ба клуби ҳавонавардони ҷавон шомил мешаванд?
-Ман ҳайронам, ки чӣ тавр шуморо бо чунин дониш ба милиса гирифтаанд?
-Чиро дар назар доред?
-Ҳамон саволи беҷо додаатонро, охир ҳамааш шуда ман дарбонам на мудири шуъбаи кадрҳо.
-Ман бошам гумон намудам, ки шумо ҳамаро медонед.
-Донам ҳам, дар ин бора ба шумо чизе нахоҳам гуфт.
-Яъне, ба тафтишот ёрӣ додан намехоҳед?
-Ҳайронам,ки бо чунин савод кӣ шуморо ба милиса гирифтааст?
-Шумо дар ин бора чӣ андеша доред?
-Шояд ягон тағоятон будагист.
-Ана ҳамон тағоям дар бораи ҳамин акс, дурусттараш дар бораи Мижгони Ҳамроҳ, баъзе маълумотро гирифтан мехоҳад.
Барномасозӣ
Олами Афсонаҳо
Ахбор
Саломатӣ
Дунё