Баъд аз он, ки Рустамро дубора бар замин гузошт, Рустам ба мушоҳидаи ин қудрати фавқулода, ки худро дар муқобилаш заиф ёфта буд, аз ӯ пурсид, ки оё паҳлавони болодастаре аз худ дар ҷаҳон суроғ дорад ё хайр? Ӯ дар ҷавоб бар хилофи таваққуи Рустам изҳор дошт:
— Бале, паҳлавоне, ки ман болотар аз худ мешиносам, Рустам асту бас.

Мегӯянд, Рустам бо шунидани ин сухан аз забони ӯ назди худ гуфт: «Номи Рустам беҳ аз Рустам».

Дар ин ҷо қавли шоир сидқ мекунад, ки мегӯяд:
Манаш сохтам Рустами Достон,
Вагарна яле буд дар Сиистон.

Достони Рустам ва Сӯҳроб

Чунон ки дар афсонаҳо гуфтаанд, Афғонистони куҳнуӣ дар рӯзгорони куҳан ба ду бахши паҳновари шимолӣ ва ҷанубӣ тақсим буд. Бахши шимолиро Турон ва бахши ҷанубиро Ориёно мегуфтанд. Дар Турон подшоҳе бо номи Афросиёб ва дар Ориёно хисраве бо номи Ковус фармонравоӣ доштанд. Пойтахти Ковус шаҳри зебои Балх буд.

Подшоҳони ин ду бахш ҳамвора бо ҳам ба ҷанг ва ситез буданд. Гоҳе ин бар он ва замоне он бар ин метохт. Ба ҳангоми пешомади ин афсона қаҳрамони Ориёно далермарде буд ба номи Рустам, ки овозаи ҷанговарӣ ва ҳикояти паҳлавонияш ба ҳама кунҷу канори ҷаҳон сар кашида буд. Рустам нерӯмандтарин марди кишвар буд ва ҳангоми набардаш бо Деви сафед дар ҷангҳои Мозандарон некушта шуданаш ба дасти Рустам дар саросари ҷаҳон печида буд. Гӯянд рӯзе Рустам аз бомдод ба нахчир бархост ва пой бар рикоби Рахши тануманд андаровард ва сӯи марзи Турон рӯӣ ниҳод. Ба наздики шаҳри Самангон биёбони пур аз нахчир дид. Рахшро ба чаро сар дод. Нахчири чанд биафканд. Якеро бипухт ва бихӯрд ва дар пои дарах-