А. А. Семёнов, мисли дигар муҳаққиқони рус пеш аз ҳама ба тадқиқу омўзиши таърих ва ҷойгоҳи аморати Бухоро ҳамчун яке аз марказҳои асосии тамаддуни минтақа аҳамияти вижа додааст. Аз 62 кори тадқиқотии оид ба таърих ва фарҳанги Осиёи Марказӣ бахшидааш, ки ҳанўз дар давраи тошўравӣ нашр шуда, ба муҳаққиқ шўҳрати ҷаҳонӣ овардаанд, 15-тоаш бевосита ба таърих ва фарҳанги аморати Бухоро бахшида шудаанд. Баъдан, дар замони шўравӣ низ ин масъала дар пажуҳишҳои ин муҳаққиқи шинохта ҷойгоҳи муҳимро ишғол менамуд. А.А.
Семенов пеш аз ҳама ба масъалаҳои сохти иҷтимоӣ-табақавии аморат, таърихи ислом ва шохаҳои гуногуну ҷараёнҳои динию мазҳабии он, ба мисли тасаввуф ва исмоилия таваҷҷуҳи хоса зоҳир менамояд.
Мақом ва мавқеи табақаву қишрҳои алоҳида дар нардбони иерархӣ (силсилаи мартабаҳо)-и аморати Бухоро ҳамеша дар маркази таваҷҷуҳи муҳаққиқ қарор дошт.
Инро мо метавонем пеш аз ҳама дар асарҳои «Средняя Азия. Очерк», «Этнографические очерки Зеравшанских гор, Каратегина и Дарваза», «Из области религиозных верований шугнанских исмаилитов», «Очерк поземельно - податного и налогового устройства в Бухарского ханства», «Очерк устройства центрального административного управления Бухарского ханства позднейшего времени», «К прошлому Бухары»,«Бухарский трактат о чинах и званиях и об обязанностях носителей их в средневековой Бухаре», инчунин дар мақолаҳо, тақризҳо ва қайдҳои