Нони гармнони сахт
Давидани тездавидани оҳиста
Одами пиродами ҷавон
Бори сабукбори вазнин
Қолини кӯҳнақолини нав
Вазифаи осонвазифаи душвор

Дар чунин машғулиятҳо, ки мақсад таълиму дилхушии тарбиятгирандагони муассисаҳои томактабӣ аст, таваҷҷӯҳ бояд ба мӯҳтавои машғулиятҳо бештару бештар равона гардад. Зеро ҷаҳони ботинӣ ва зоҳирии бачаҳо дар ин синну сол, дар ҳоли ташаккул ва сайқалёбӣ аст.
Ҳар он чӣ ки мебинанд, зуд дар хотир мегиранд ва ҳар он чӣ ки мешунаванд то дер дар хотир нигоҳ медоранд.
Агар мавзӯи машғулиятҳои “Бозиҳои ҳозирҷавобӣ” ба синну соли бачаҳо мувофиқ интихоб карда шавад, таъсири онҳо бештар мусбат буда, дар онҳо ҳозирҷавобӣ бештар ташаккул меёбад. Барои бача ҳозирҷавобӣ чӣ зарурат дорад? Ҳозирҷавобӣ баёнгари тафаккури рушдкунанда, сомеъа, биниш ва ақлу идрок аст.
Агар ҳар бача чунин сифатҳоро дошта бошад, ташаккули рӯҳӣ ва ҷисмонии вай метавонад оянда таҳсилро дар мактаб муваффақона идома бахшад.

Бозиҳои дидактикӣ
Аҳамияти бозиҳои дидактики барои кӯдакон

Кӯдак метавонад дунёи афсонаро бо ҳаёти ҳаррӯза муқоиса намояд ва аз он чизе барои худ бардорад. Илми риёзиро бошад, бо истифодаи ашёи мавҷуда каму беш ҳифз мекунад. Агар мо ба кӯдак риёзиро чунон ки калонсол онро баъдан “олами дастрас” маънидод мекунанд, бо роҳу тарзҳои осон пешниҳод намоем, шавқу ҳаваси онҳо, пеш аз ҳама ба омӯзиши ин фан бедор мешавад. Ин ба дониши мураббӣ вобастагӣ дорад, ки вай дар машғулиятҳо аз мавҷудияти қонунҳои миқдору шаклҳо истифода кунад.
Дар ҷараёни фаъолият бо кӯдакони синни томактабӣ риояи ақидаи ягонагии таъсиррасонӣ ва дарккунӣ, ки равоншиноси машҳури рус Лев Семёнович Виготский муайян кардааст, бисёр муҳим аст.