Муқоисаи усулҳои фаъоли таълим бо усулҳои анъанавӣ дар таҳсилоти тиббӣ
Ф.С. Бақоев, Ҷ.С. Додхоев
Кафедраи бемориҳои кӯдаконаи №1, Муассисаи давлатии таълимии «Донишгоҳи давлатии тиббии Тоҷикистон ба номи Абӯалӣ ибни Сино», Душанбе, Ҷумҳурии Тоҷикистон
Мақсад. Мақсади баррасии адабиёт муқоисаи усулҳои анъанавии таълим (усулҳои ғайрифаъол) ва усулҳои фаъоли таълим дар муассисаҳои таҳсилоти тиббӣ бо дарназардошти хусусиятҳои насли нави донишҷӯён мебошад.
Мавод ва усулҳо. Дар таҳқиқот мақолаҳои илмии солҳои 2015–2025 истифода шудаанд. Манбаъҳо аз мақолаҳои таҳқиқотӣ, баррасиҳои низомнок ва мета-таҳлилҳои марбут ба самаранокии усулҳои таълим дар соҳаи тиб иборатанд.
Натиҷаҳо. Усулҳои фаъоли таълим (монанди PBL, TBL, симулятсияҳо) дар азхудкунии донишҳои назариявӣ аз лексияҳои анъанавӣ камсамар нестанд, аммо дар рушди тафаккури клиникӣ, малакаҳои амалӣ ва ангезаи донишҷӯён хеле самараноктаранд.
Хулоса. Гузариш ба усулҳои фаъоли таълим бо дарназардошти хусусиятҳои насли Z ба беҳтар шудани сифати омода намудани мутахассисони соҳаи тиб мусоидат мекунад.
Калимаҳои калидӣ: таълими фаъол, усулҳои анъанавӣ, таълими тиббӣ, насли Z, симулятсияҳо.
Манбаъ: маҷаллаи илмию амалии «Илм ва таҳсилот» (Наука и образование), 2024, ҷ. 1, №4, саҳ. 351–361. DOI: 10.25005/3078-5022-2024-1-4-351-361




