МЕҲРОБ ҶУМЪАЕВ,
доктори илмҳои филологӣ,
устоди Донишгоҳи миллии Тоҷикистон

«НАҚБИ ИСТИҚЛОЛ»-И БАХТИЁР МУРТАЗО –
НАМУНАИ БЕҲТАРИНИ НАСРИ
МУСТАНАДИ МУОСИР

Дар таҳқиқоти илмӣ доир ба романи мустанади «Нақби Истиқлол»-и Нависандаи халқии Тоҷикистон Бахтиёр Муртазо, дараҷаи омӯзиши асар аз тарафи муҳаққиқон, мазмуну мундариҷа, таҷассуми образи қаҳрамони асосӣ ва як қатор персонажҳои асосии он сухан меравад. Асари мазкур ба бунёди яке аз иншооти муҳими давр – нақби Анзоб, ки баъдан бо пешниҳоди Сардори давлат нақби Истиқлол ном гирифт, бахшида шудааст. Муаллифи пажӯҳиш «Нақби Истиқлол»-ро дастоварди муҳими адабиёти навини тоҷик дар ибтидои асри XXI номидааст, ки анъанаю навоварии адабиёти асри XX-ро ба ҳам алоқаманд мекунад. Дар асар маводи фаровони ҳуҷҷатӣ ба инъикоси ҳақиқати воқеӣ мусоидат намуда, воқеияти тасвир якҷоя бо тахайюли бадеии нависанда имкон фароҳам овардааст, ки тасвири ҳодисаву таҷассуми образҳо таваҷҷуҳи хонандаро ҷалб карда тавонанд. Андешаҳои муҳаққиқон Ш. Раҳмон, М. Назриқул, М.
Муродӣ, Н. Салихов ва С. Шарифов, ки дар бораи романи мустанади «Нақби Истиқлол» баён гардидаанд, ба таври мухтасар таҳлилу баррасӣ гардида, омезиши унсури услубҳои публитсистӣ ва бадеӣ барои инъикоси мақсаду мароми муаллифи асар муҳим дониста мешавад. Ба андешаи муҳаққиқ тамоми масъалаҳои дар асар баррасишаванда бо мавзуи асосӣ иртибот доранд ва ягонагии хати сюжети асарро таъмин менамоянд. Мазмуну мундариҷаи асар ба таври