Тсин Ши Хуанӣ

(Арбоби сиёсӣ,
солҳои зиндагиаш
259-210 то милод)

Дар замони ба дунё омадани Тсин Ши Хуанӣ Чин ба чандин шоҳигариҳои хурди мустақил тақсим буд. Ба шарофати сиёсати Тсин Ши Хуанӣ империяи бузурги ягонаи мутамаркази Тсин созмон ёфт. Дар ҳудуди империя вай сиёсати ягонаи ченак ва вазн, сикка (пул) ва хати ягонаро ҷорӣ намуд.

Ин Чжэн, ки дар таърих бо номи Тсин Ши Хуанӣ машҳур аст, дар соли 259-и то милод чашм ба олам кушод. Вай писари Чжуан Сян-ван, шоҳи кишвари Тсин буд.

Ин Чжэн дар синни сездаҳ буд, ки падараш аз олам чашм пӯшид. То ба балоғат расиданаш, лаҷоми давлатдорӣ ба дасти мушовири шоҳ Люй Бу-вэй, тоҷири бузурги шоҳигарии Вэй, буд.
Вале Ин Чжэн намехост, ки то ба охир ҳукумат ба дасти ӯ бошад. Дар арафаи маросими ба балоғатрасии ӯ (238), Люй Бувэй дар соли 239-и то милод хост, ки ҳукмрони номатлубро аз пеши роҳаш дур андозад. Вай Лао Ай, ёвари содиқи худро, ки ба маликаи бевамонда писанд меомад, истифода бурд. Лао Ай, ки ҳукмаш ба бисёриҳо раво буд, соли 238-и то милод бо гурӯҳи ҳаммаслаконаш мӯҳри шоҳро дуздида, мехост бо як қисми артиши ҳукуматӣ ба қасри Тсинян, ки он ҷо шоҳзода Ин Чжэн иқомат дошт, ҳуҷум орад.

Вале шоҳи ҷавон сӯиқасдро фош намуд. Лао Ай ва нуздаҳ
нафар мансабдори бузург, роҳбарони табаддулот бо тамоми