Пётри I
(Солҳои зиндагиаш 1672-1725)

Пётри I, арбоби барҷастаи давлатӣ, сипаҳсолор ва баҳрнаварди боистеъдод, иштирокчии бевоситаи чандин муҳорибаҳои шадид буда, ба шарофати бозсозӣ ва ислоҳоти ӯ Русия унвони кишвари бузургро соҳиб гашт ва дар муносибатҳои байналмилалӣ мавқеи сазовор пайдо намуд.

Дар замони ҳукмронии Пётри I тарзи нави фоидаовари идораи давлат ва тақсимоти маъмуриву ҳудудии мамлакат сурат гирифт. Таҷрибаи кишварҳои хориҷиро эҷодкорона истифода бурда, бисёр заводу фабрикаҳо, конҳои маъдан, корхонаҳои киштисозӣ, каналҳои обёрӣ бунёд намуданд.

Пётри I ба сохтмони киштиҳои ҷангӣ ва тартиб додани артиши доимӣ шахсан роҳбарӣ мекард. Ба шарофати ғалабаҳои пайҳам Русия соҳиби «роҳ»-ҳои баҳрӣ шуд ва аз ин баъд бемамониат бо дигар давлатҳо тиҷоратро ба роҳ монд. Дар замине, ки ҷанг карда ба даст оварда буд, пойтахти нав — шаҳри Санкт-Петербург қомат афрохт.

Бо ташаббуси Пётри I бисёр муассисаҳои таълимӣ, Академияи илмҳо таъсис ёфтанд, алифбои шаҳрвандӣ қабул шуд, рӯзномаҳои нахустин, аввалин театри доимӣ ба фаъолият пардохтанд, чопи китобҳо афзуд.

Пётр Алексеевич Романов, нахустимператори умумирусия, 30 майи соли 1672, аз никоҳи дуюми шоҳ Алексей Михайлович