Бо дўстон музоиқа дар умру мол нест,
Сад ҷон фидои ёри насиҳатниюш кун!
Ҳофизи Шерозӣ

Зи рўи дўст маро чун гули мурод шукуфт,
Ҳаволаи сари душман ба санги хора кунам.
Ҳофизи Шерозӣ

Аз ҷон тамаъ буридан осон бувад, валекин
Аз дўстони ҷонӣ мушкил бувад буридан.
Ҳофизи Шерозӣ

Завқи ҷаҳон надорад бе дўст зиндагонӣ,
Бе дўст зиндагонӣ завқи ҷаҳон надорад.
Ҳофизи Шерозӣ

Ҳазор душманам ар мекунад қасди ҳалок,
Гарам ту дўстӣ, аз душманон надорам бок.
Ҳофизи Шерозӣ

Боғи биҳишту сояи тўбову қасри ҳур
Бо хоки кўи дўст баробар намекунам.
Ҳофизи Шерозӣ

Агар рафиқи шафиқӣ, дурустпаймон бош,
Ҳарифи ҳуҷраву гармобаву гулистон бош!
Ҳофизи Шерозӣ

Ба оламе нафурўшем мўе аз сари дўст.
Ҳофизи Шерозӣ

Дами дўст ман муғтанам мешуморам,
Нишоте, ки бе ўст, ғам мешуморам.
Камоли Хуҷандӣ

Саҳни бўстон завқбахшу суҳбати ёрон хуш аст.
Ҳофизи Шерозӣ