шоёне кардааст. Чунонки оварда шуд, гуфтаҳои Садриддин Айнӣ оид ба масъалаҳои тараққии адабиёти тоҷик, ҳамчун нависанда ва олими пурдон, аҳамияти муҳими амалӣ доранд. Ин гуфтаҳо, ки таҷрибаҳои эҷодии... ӯ мебошанд, ба нависандагони тоҷик ёрӣ доданд, ёрӣ дода истодаанд ва ёрӣ хоҳанд дод. (112 калима)

Шарифҷон Ҳусейнзода

27 Мавқеи аломати вергул ва пайвандакҳоро дар алоқаманд намудани аъзои чида фаҳмонед.

ДАР ҲАВЛИИ ПАДАР

Ҳафтаҳо, аз бозе ки манзили падар ва богу токзорони маҳри модар ба байъ монда шуд, мудом издиҳом ба ҳавлӣ даробаро мекарданд. Насибахонум, дояи падар, дар ҳавлии дарун, азбаски қиблагоҳ наҳвагариро қатъан манъ намуд, сиришкашро хомӯшона фурӯ хӯрда, гилему бурёҳо, болишту саҷҷодаҳоро рахт мебаст, лаълиҳои биринҷӣ, тос, кӯза ва шамдонҳоро сомон менамуд. Толибилмон ва муридони падар бо бозоргонон харидуфурӯш менамуданд, сорбонону қофилаҳоро киро мекарданд. Авзоъ пурташвиш буд таку дави зиёд дар ҳамчунин вақт фаши сайидон*, ки худро аз авлоди пайғамбар метарошанд, боли ҷӯҷабараквор сабз чило медоданд. Сайидбурҳониддин, халифаи падар, марди аспрӯй, болобаланд ва лоғар, ки барҳақ ба парандаи лошахӯре монанд буд, вақте кутуби осмониро қироат мекард, ҳамаи ин корҳоро бо ҷидду ҷаҳди тамом ба сомон мерасонд. (117 калима)

Радий Фиш

ЛУҒАТ

фаши сайидон - саллаи бузургон, саллаи пешвоён