Ғайри Ҳақ нашнохт кас, гўёи ҳақ.
Ҳадяи беҳтар маро аз дўст чист?
Ҷуз зи айбам гуфтанаш дар рўй нест.
Ҳар кӣ дар ёду ғами мардум бувад,
Як тан аз худ рафта, дар худ гум шавад.
Хос бояд бурд аз дунбол авом,
В-ар натонад, омро бошад ғулом.
Ҳар ки меояд дучори хашми ом,
Боядаш берун шудан аз чашми ом.
Неку бад гунҷида моро дар замир,
Чун тавон кардан ҷудо мў аз хамир?
Айби ҳам ҷўем, он айб аз куҷост?
Ғайби ҳам гўем, оҳ, ин чӣ балост?!
Шикваҳои хеш аз худ бишнавем,
Лобаҳои худ зи лобуд бишнавем.
Арзадоронем байни издиҳом,
Роҳпўёни ҳақиқат дар авом…
Ҳар чи гўям, аз забони мардум аст,
Ҳар чи гўям, дар миёни мардум аст.
Гуфтаҳоям нақши ҳарфе беш нест,
Нуктае аз ҳарфи мардум пеш нест.
Кистам ман? Гарди пойи мардумон,
Чашми мардумро аёну ноаён.
Хоҳам ар ёбам хабар аз хештан,
Боядам бо майли мардум зистан.
Пеши мардум то барам аз ҳақ сухан,
Боядам қурбони роҳи ҳақ шудан.
Он ки бандад гўш аз мардум, кар аст,
Ҳар чи мардум гуфт, моро бовар аст.
Нақши умрам роҳи мардумхоста,
Ҷону дил аз меҳри Халқ ороста…

---

Арҷ бигзорам ба пойи мардумон,
Ҷону дил бодо фидойи мардумон!
Меҳрашон дарёст, ки бесоҳил аст,