---

Булбулон, қисса мехонед, ки дар мактаби ишқ
Дафтари гул парипарвонавараӣ мебошад.

---

Ёрон, дар ин биёбон аз мо асар маҷӯед,
Гумгаштагисуроғем, моро дигар маҷӯед.

---

Даступогумкардаи шавқи тамошои туам,
Афканад, ё раб, сари афтода дар пои туам.

---

Дорад ба мани дилшуда имшаб сари ҷанге
Гулбаргкамоне, паритовусхаданге.
Аз рубоиёт:
Дилбар ҳарчанд даштударпаймо буд,
Бедил, ту мапиндор, зи мо танҳо буд.
Ман сояи он сарви хиромон будам,
Ҳар ҷо қадамаш буд, сарам он ҷо буд.

---

Олам чамани рангивафонапзир аст,
Бар рӯи ҳаво анҷумани тасвир аст.
Аз оқибати кори ману мо дарёб,
К-инҳо ҳама аз хоби адам таъбир аст.

---

То кай пурсӣ, мақоми дилдор куҷост?
В-он шоҳиди нонамударухсор куҷост?
Мижгони ту гар ҳиҷоби биниш нашавад,
Дар хонаи офтоб девор куҷост?
Аз маснавии “Тилисми ҳайрат”:
Шуд охир маҳмилорои тағофул,
Ҷарасбарноқабанд аз хандаи гул.

---

Кунун килки муҳаббатномаиршод
Зи ҳаҷрафтодагонаш медиҳад ёд.

---

Намакдонҳо башӯровардаи ӯ,
Ҳаловатҳо намакчашкардаи ӯ.

---

Тасарруфмояи аҳкоми ҳар кас,
Таваҳҳумдонарези доми ҳар кас.

---

Насимаш аз чаман кулфатбурунсоз,
Зи дарё мавҷи ӯ хошокпардоз.

---

Аз он шамшери хуниофиятрез
Саломатҳо сарихудгирубигрез.

---

Забони садфусунизҳор во кард,
Лаби садмавҷихундарбор во кард.

---

Намоён гашт саҳрои қиёмат,
Зи ҷӯши шавқ садмаҳшараломат.

---

Аз маснавии “Тури маърифат”:
Ғараз, ин кӯҳсори симузархез
Ҷаҳонерост оташдарҷигаррез.

---

Ҷиҳоти даҳр аз оинасофӣ
Қиёматҷилварези синасофӣ.

---

Мапурс аз санги ҳамворибачангаш,
Магӯ аз хоки ёқутобурангаш.

---

Биё, эй ашки беповусароҳанг,
Ба тавфи муддао сар то қадам ланг.

---

Аз ин кӯҳсори симузартаҷаммул
Бигӯям, то чӣ сон зар мекунад гул.

---

Саҳар бӯи баҳори синачокон,
Шафақ рангинии дархунҳалокон.

---

Тапишомода балафшониоҳанг,
Паризодони бӯ дар шишаи ранг.

---

Аз маснавии “Муҳити аъзам”:
Шаробе дуоламтасаввургудоз,
Адампарвари нашъаи имтиёз.

---

Ҳама масти беэътидолиривоҷ,
Чу минои холӣ шикастэҳтиёҷ.

---

В-агар сози ғафлатфурӯшӣ кунад,
Ҳамон нурихуршедпӯшӣ кунад.

---

Шаробест бунёдиандешасӯз,
Ба ҳам нисбати соғарушишасӯз.

---

Сипеҳрам сувайдонасабкавкаб аст,
Гули домани субҳи бахтам шаб аст.

---

Зи минқори булбул дар ин гулситон
Навоест доманбароташфишон.

---

Нигоҳе шикастимижадомане,
Чу фурсат баҳори зи худ рафтане.

---

Якоҳангие мухталифнағмазост,
Зи андози ҳар соз қудратнавост.

---

Зи худ рафтанат ҷодапайдокун аст,
Ба хеш омадан манзилиншокун аст.

---

Биё, эй пару боли афсурдагон,
Абадзиндагибахши дилмурдагон.

---

Аз маснавии “Ирфон”:
Дараҷоти зуҳур бисёр аст,
Ҳар лабе садтакаллумизҳор аст.

---

Огаҳӣ беқарорианҷом аст,
Ҷаҳл якдаст хоби ором аст.

---

Бо вуҷуди фусурдагитаъсир,
Як қалам нолаанд шавқсафир.

---

Хусрави огаҳитаманное
Дошт дастури ақликулрое.

---

Гашт ҳар як хуморияъсшикан,
Муфлис аз хӯша, мунъим аз хирман.

---

Ҷамъ гардид жожхое чанд,
Мухталифхосиятнавое чанд.

---

То тасаллигаҳи камоли сувар
Сад ҳаюлост ҷайбиҳасратдар.

---

Оташ аз дасти шӯъладармушташ
Фундуқе баста бар ҳар ангушташ.
Шӯъла з-он дасти шохигулмонанд
Карда ангушти зинҳор баланд.

---

Аз чароғони нуридилбаканор
Ҳар тараф чашми ноз шуд бедор.