Панду андарзҳо
Суханони ҳикматомез, насиҳат ва маслиҳатҳое мебошанд, ки инсонро ба роҳи дурусти зиндагӣ, ахлоқи нек ва дониш ҳидоят мекунанд.
ШАҲПАРАК
Шаҳпараки холдор, Боли ту - нақшу нигор. Нақшу нигорат бувад Манзараи навбаҳор. Болу парат - ранги гул, Ҷону дилат - беқарор. Ҳар гули боғу чаман - Дар раҳи ту интизор. Файз барад гул зи ту, Гул зи ту ояд ба бор. Аз бари гул омадӣ? Сӯйи гулӣ раҳсипор? Балки худат як гулӣ, Як гули фасли баҳор! ЁРИ Бинам, Нигор-хола Бо мушкилӣ равон аст, Дар ҳар ду дасти ӯ - бор, Бораш басе гарон аст. Аз рӯи меҳрубонӣ Ман кӯмакаш бидодам, То хона бурда бораш, Пеши дараш ниҳодам. Хам гашта аз рухи ман Ӯ бӯса карду гуфто: — Чизе диҳам бароят, Аз чизи хубу зебо. Аз меҳр ӯ ба ман дод Як себаки гулобӣ. Ман гуфтамаш: — Ташаккур! Гуфт ӯ: — Камол ёбӣ.
Чистон
Чӣ чиз аст он раванда тираки хурд?! Чӣ чиз аст он палолактеғи буррон?! Яке андар даҳони ҳақ забон аст, Яке андар даҳони марг дандон?! Ланги даванда-ст, гуш неву суханёб, Гунги фасеҳ аст, чашм неву ҷаҳонбин. Тезии шамшер дораду равиши мор, Колбади ошиқону гунаи ғамгин?! Он чист, бар он табақ ҳаметобад Чун мулҳами зери шаъри уннобӣ?! Соқаш ба масал чу соъиди ҳуро, Пояш ба масал чу пойи мурғобӣ?!
Барномасозӣ
Олами Афсонаҳо
Ахбор
Дунё