Хандаҳои ширин

БИСЁР АФСӮС
Муаллима аз талабае пурсид:

• Падарат дар куҷо кор мекунад?
  Талаба гуфт:
• Дар маркази савдо.
• Бисёр хуб. Чӣ кор мекунад?
• Боғбон.
• Бисёр афсӯс.

АНГУРҲОИ ФУРӮШӢ
Муаллим аз талабае пурсид:

• Дар ҳавлиатон кадом навъҳои ангур ҳаст?
• Ангурҳои фурӯшӣ.

ХАЛОС НАМЕХӮРӢ
Писарбачае, ки ҳамроҳи падараш аз саёҳати бешазор омада буд, ба ҷӯрааш гуфт:

• Медонӣ, аз ҳама ҳайвонҳои ваҳшӣ хавфноктаринаш хирс аст. Аз хирс гурехта, халос намехӯрӣ, зеро аз ту тезтар медавад. Агар ба дарахт бароӣ, ӯ ҳам мебарояд. Дар об аз одам нағзтар шино мекунад.
• Агар пинҳон шавӣ-чӣ? - пурсид ҷӯрааш бо ҳарос.
• Аз ду сар фоида надорад, чунки хирс аз ту пештар пинҳон мешавад.

ХОРКАШУ ХАСКАШ.
Падар аз писари калониаш пурсид:

• Ба додарат чи ном монем?
• Ману додарамро Хоркашу Хаскаш номидед.
  Акнун номе гузоред, ки ин хору хасро кашонад.

ДАР ДАРСИ ҶУҒРОФИЯ
Муаллим:

• Миёни кӯлу баҳр фарқияте ҳаст?
  Абдулло:
• Бале, дар кӯл қурбоқаҳо зиндагонӣ мекунанду дар баҳр моҳиён.

ТАМОШОИ АЛБОМ
Падару модар ҳамроҳи писарчаи панҷсолаашон албоми оилавиро тамошо мекарданд. Вақте ки чашмони писарча ба сурати падару модараш афтид, пурсид:

• Ин расмро кай гирифтед?
• Вақти тӯй шуданамон.
  Писарча гирён-гирён гуфт:
• Чаро ман дар тӯй шумо нестам?

ҒАМ ХӮРДАН ХУБ АСТ, Ё ҒУССА ХӮРДАН?
Духтарча аз модараш пурсид:

• Модарҷон, ғам хӯрдан хуб аст, ё ғусса хӯрдан?
• Ягонтааш хуб нест! - гуфт модар.
• Хуб, набошад, - гуфт духтарча, - ба модаркалонам гӯед, ки дигар дар назди дугонаҳоям «Ғаму ғусса хӯрда, модаратро калон кардам» нагӯянд.

ИН САДОИ ЧИСТ
Ду рафиқ ба садои ҷӯшидани об гӯш медоданд.
Яке аз онҳо пурсид:

• Ин садои чист?
  Дигар ҷавоб дод:
• Нолаи микробҳо.

ЗАРРОФА
Муаллим аз талаба пурсид:

• Кадом ҳайвон бештар гармиро дӯст медорад?
• Заррофа, - ҷавоб дод шогирд.
• Чаро заррофа?
• Чунки гардани дарози он нисбат ба дигар ҳайвонҳо ба сӯи офтоб бештар майл мекунад.