Чист он, Чистонҳо

Чистон он ки монанд мушт

Ҳам нарм асту ҳам дуруcт,

Бораш ҳамеша хор аст,

Хораш ҳамеша дар пушт?

(хорпушт)

Баста даҳони танӯр,

Танӯр, аз лахча пур.

(тарбуз)

Чистон ки ранг – ранг аст,

Чолуку тезтанг аст

Ҷома пӯшад сад бақа

Бо чашмааш раванд хок,

Ҷомаашро кушоӣ,

Чашмат шавад ҳавзи об.

(пиёз)

Қадаш мисли сафедор,

Зӯри сад мошин дорад,

Мошинаро беозор

Як даста мебардорад.

(Крани борбардор)

Хона аз пушти хона,

Рӯйи оҳану равона.

Оҳан чӣ гуни оҳан?

Хона чӣ гуни хона?

(Қатора)

Сӯзандони раҳгардон,

Пури сӯзан- сӯзандон.

(Ҷайра)

Чор по дорад чор по не,

Аз чор ваҷаб боло не.

(Кат)

Давон-давон меравад,

Наъразанон меравад,

Суйи қафо ҳеҷ гоҳ

Намекунам ӯ нигоҳ.

(Дарё)

Дар об ҳаргиз

Намешавад тар,

Ҳеҷ нагирад

Дар оташе дар,

Пой гузорад

Бо касс баробар.

(Соя)

На даст надораду на по,

Бо сараш меравад роҳ,

Умри дарози худро

Дар раҳ мекунад кӯтоҳ?

(Қалам)

Лӯб –лӯнда ҳамчун замин,

Рӯ-рӯйи сабза ғелон,

Як худаш бо даҳ навар

Бозӣ дорад дар майдон.

( Тӯб )

Ин раҳ чм гунна роҳ аст,

То бом аз остона,

Ҳар ҷо хоҳӣ, мебарӣ

Рӯйи ҳавлию хона?

(Нарбон)

Мӯмиёи зарди ман,

Доруи сад дарди ман.

(асал)

Тобистон зимистон

Хӯрокаш донаю мағз,

Дар мағоки дарахтон

Гузорад хонаи нағз.

(санҷоб)

Аз пешини зимистон

То субҳи навбаҳорон

Осуда меравад хоб,

Кӣ бошад ин паҳлавон?

(хирс)

Дар шифти хонаи мо

Вай лона мегузорад,

Ҳар сол аз баҳорон

Пайғом мебиёрад.

(парасту)

Бе элаку бе сурфа

Орду фаровон резад,

Ин орд дар баҳорон

Аз кӯҳу пушта хезад?

(барф)

Аз якшанбе то шанбе,

Ҳафтто рӯзи як ҳафта.

Аз чаҳортои ҳафта,

Моҳ ояд рафта-рафта.

Якто паррандае ҳаст,

Шинад ба шохи ар-ар,

Бегоҳиву пагоҳӣ

Доим мекунад "қар-қар",

Маънои қар-қари он:

Меборад барфи борон.

Як ҷонваре бидидам,

Аҷаб хуш месарояд,

Сари ғунча нишаста,

Шабро саҳар намояд.

Чист он лӯъбати писандида

Атласи ранг-ранг пӯшида.

Аз кӯҳ баромад ақарангу тақаранг,

Бо ҷомаҳои ҳафтрангу мӯзаҳои сурхранг.

Аз чап кушоӣ,

Аз рост пӯшӣ.

Дигар набошад

Сад бор кӯшӣ.

Аз ҳама боло,

Аз ҳама дур ӯ,

Манбаи гармӣ,

Манбаи нур ӯ.

Дар осмон - якто,

Дар замин - дувоздаҳто.