Оё обро истеҳсол кардан мумкин аст?

Обро мо ба шакли табиӣ дар чашма, дарёҳову баҳрҳо, уқёнусҳо ва кӯлҳо дучор меоем. Онҳо аз абрҳои осмон ба воситаи борону барф (боришот) ба замин мерезанд. Об материяи табиӣ буда, аз ду намуди газ – ҳидроген ва оксиген иборат аст. Маъмулан, обро истеҳсол намекунанд. Аллоҳ онро ба мо ройгон медиҳад. Албатта, дар лабораторияҳои кимиёӣ, обро ҳосил кардан мумкин аст, лекин на ба он миқдоре, ки Аллоҳ онро ба мо ато мекунад. Барои он ки дар озмоишгоҳ (лаборатория) об ҳосил карда шавад, ду моддаи дар таркиби он буда – ҳидроген ва оксигенро омехта мекунанд ва онҳоро то ҳарорати баландтарин расонида, об ҳосил мекунанд. Ин равандро синтез меноманд.